寻晚喺大家沉浸系周柏豪bb的婚讯
仲大叫紧失恋嘅时候
可乐君个朋友圈突然被林宥嘉刷屏！
于是乎即刻奔向微博
见到啊Yoga发咗一条好长嘅po
文字十分之多唔想睇都唔紧要
最后一句先系重点
所有迷妹即刻炸晒
自己爱豆竟然系微博度求婚wor！
史上首例！
微博发出之后即刻被疯狂转载
直至今日仲系热门
虽然当时未有结果但系大家都已经
纷纷为两人送上祝福
仲有网友紧张咁问：
既系微博求婚嘅，女主角系咪要转发微博话我愿意先算成功？
系网友唔知点解要紧张咁猜测咗一个钟之后
Yoga就po文话女友已经答应啦！
配图系两人激动相拥嘅相
虽然睇起身呢个求婚嘅方式简简单单
但系就显得够晒真心唔做作
打动咗唔少人
歌迷全部都涌去祝福
可乐君都有朋友话被呢种方式感动到想喊！
不过同时有好多人来问可乐君
林宥嘉条女？
系边个？？？
讲到林宥嘉条女
可能好多人仲会捻起前度啊g.e.m.
不过都系过去式啦
林宥嘉嘅现任叫丁文琪
丁文琪系歌手出身
不过已经淡出娱乐圈好耐
开咗自己嘅咖啡店
林宥嘉系年嘅时候公开认爱丁文琪
系当年小巨蛋演唱会庆功宴时
大方表示对方系好好嘅伴侣
“可以像朋友一样，是很难得的事。当碰到值得遇到的对象，希望能什么变都没有。”
系林宥嘉入伍期间两人依然不断放闪
仲话女朋友系“最有资格拥有单纯快乐的人”
女友开朗的性格
一步步咁影响林宥嘉
所以佢都好珍惜两人相处嘅幸福时刻
大男人性格嘅林宥嘉
仲会为女友系生日嘅时候
弹吉他甜唱生日快乐歌
两年来都感情稳定
微博上亦都经常秀恩爱
林宥嘉系今年6月嘅时候
都曾经透露想结婚嘅念头
睇来一直就系差“临门一脚”
系寻晚终于鼓起勇气
选择系微博公开求婚
等所有粉丝可以分享佢地嘅幸福瞬间
而女主角今日下午都发文啦
感谢大家嘅祝福
佢女朋友嘅微博下面
转发语基本上都引用林宥嘉嘅歌词
“祝你做个幸福的新娘”
真系好sweet啊！
最后送上林宥嘉嘅《宠儿》
希望佢地幸福啦！
我哋係广州至潮至IN叱咤校园超过十年嘅《可乐生活》，上至50岁下至5年级的广州人必备读物！
